Flècho-d'aigo
Sagittaria sagittifolia
Alismataceae
Noms en français : Sagittaire, Flèche-d'eau.
Descripcioun :La flècho-d'aigo es uno planto proun raro au nostre au contro de l'uba de l'Éuropo. Trachis dins quàuqui relarg bagna de Prouvènço dóu couchant. Es uno planto eisado de recounèisse emé si fueio en flècho ; soun li fueio dins l'èr. Fai peréu de fueio longo en riban que pousson dins l'aigo (fueio primàri). Li flour soun poulideto, femello en bas e masclo en aut de l'enflourejado.
Usanço :Lou rizoumo èi manjadis (crus o cue), s'acampo à l'autouno (mai pas encò nostre que n'i'a gaire !). Dins d'ùni païs s'en fai de galeto emé la feculo. Lis indian d'Americo quichavon li rizoumo fres emé d'aigo e piéi criblavon tout acò pèr leva li fibro.
Port : Erbo
Taio : 20 à 60(150) cm
Fueio : costo paralèlo
Tipe bioulougico : Idroufite
Cicle bioulougico : Planto renadivo
Gènre : Sagittaria
Famiho : Alismataceae
Ordre : Alismatales
Coulour de la flour :
Blanco
Petalo : 3
Ø (o loungour) flour : 15 à 20 cm
Flourido : Printèms
- Estiéu
Sòu : Ca
Autour basso e auto :
Pancaro entresigna
Aparado : Noun
Liò : Aigo
- Ribiero
- Roubino
Estànci : Mesoumediterran à Coulinen
Couroulougi : Éurasiatico
Ref. sc. : Sagittaria sagittifolia L., 1753
Erbo-de-prat(-de-Boehmer)
Phleum phleoides
Poaceae Graminaceae
Àutri noum : Bauco, Co-de-gàrri.
Nom en français : Phléole de Boehmer.
Descripcioun :L'erbo-de-prat-de-Boehmer es uno erbo verdalo pulèu grando, que trachis en mato dins li sablo e en ribo de camin. Se recounèis à soun enflourejado pulèu longo(> 5 cm) que s'articulo quouro la plegas e à si glumo emé d'arèsto pas proun longo e gaire cihado.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Erbo
Taio : 10 à 60(90) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo
Gènre : Phleum
Famiho : Poaceae
Famiho classico : Graminaceae
Ordre : Poales
Coulour de la flour :
Verdo
Petalo : ges
Ø (o loungour) flour : Pancaro entresigna
Flourido : Printèms
Sòu : Ca
Autour basso e auto :
Pancaro entresigna
Aparado : Noun
Liò : Sablo
- Camin
Estànci : Mesoumediterran à Mountagnard
Couroulougi :
Pancaro entresigna
Ref. sc. : Phleum phleoides (L.) H.Karst., 1799